千里之行 始於足下

第一篇

（自以為）千呼萬喚始出來。

我是充滿人氣和怒氣的！

人氣者，受人愛戴，飯來張口，行走江湖冇有怕，耳朵一崩角和腳的白傷痕就是我的光輝歲月印記！

怒氣者，黑口黑面，不平則鳴！奴才笨手笨腳服侍本大爺不週就難逃一咬！

我今日要爆既係最低工資。

喂黑貓你又唔使返工，嘈咩啫！

須知道在香港這個自喻倫敦紐約的小地方生活，一定要依附貓奴。

而貓奴很多都是收入不多的平民百姓，沒有最低工資保障的話，
只能日做幾十個鐘，冇錢亦冇時間服侍我們！

再者，香港這個山多平地少的小城，一值實行高地價政策，要有瓦遮頭都幾難！
做生做死都冇定住，仲要煩埋死冇葬身之地。

香港人可卑，香港貓仲可憐！這裡有個叫「漁記」的變態部隊，
專門捉我們街上的同伴去殺，年殺過萬，叫「人道毀滅」。

毀滅又甚會人道？咁人道你唔毀滅Ｄ人？！

有個故事係有個人在沙灘不斷將沖上岸的海星掉番落海，
而佢掉的速度當然及不上沖上岸的多！
救得幾多得幾多！當然愈多人救愈好！

貓奴盡力拯救我們逃離漁記爪牙，可是又要維生，身心俱疲。

又會有傻佬話佛利民話香港係自由經濟最後的橋頭堡，有最低工資就破壞云云。

真係咁正Ｄ鬼佬自己唔行？！經濟學家應該係最冇良心的學家，睇膠樽就知！

有邊個已發展地方冇最低工資？點解香港打工仔超時唔補水係老奉？
好明顯呢個所謂自由只是資本家的自由！集體壓搾工人，你唔做唔得！
點解政府可以唔出聲任由此不公義的惡性循環繼續？
因為冇民主，佢唔買你怕，加上高地價冇遠見向商家靠攏，愈講愈遠！
總之一肚火！

當人都冇quality of life,　我地貓就仲難！貓奴生活得好我地先有像樣的生活。


ps　今日本來有新巴司機罷工，點知多數人受唔到老板壓力爆左，得不足一成參與。
港人奴性太重，工運長路漫漫，同志仍須努力！